Trío do Triatlón Ferrol no campionato de España olímpico

O Triatlón Ferrol estará representado este domingo no campionato de España olímpico por Melina Alonso, Marcos Ruiz e Ana Carvajal.

Coa dura tarefa de suceder a Miriam Casillas, vixente campioa e vencedora en 2014, e Tamara Gómez, gañadora en 2015, a ferrolá Melina Alonso non se pon un posto como reto pero si recoñece que os éxitos das últimas semanas lle devolveron a confianza para loitar polo máximo.

Pola súa banda, Ana Carvajal aspira a mellorar o seu 28º posto da súa estrea da pasada temporada na modalidade olímpica.

Como equipo, o Triatlón Ferrol chega como actual campión pero non poderá revalidar o título por baixas importantes como as de Camila Alonso e Inés Santiago, quen se reservan para o Mundial sub-23 da próxima semana.

Debutando, o junior Marcos Ruiz enfrontarase aos mellores de España sen presión.