Galicia Ártabra Digital Noticias de Ferrol y la comarca de Ferrolterra.
Máis de 110 postos de venda confirmaron a súa asistencia ó Mercadillo de Santa Marta que se celebrará no entorno do paseo da Madalena entre o xoves 27 e o domingo 30 de xullo. A cita, promovida polo Concello de Cabanas, a través da Concellería de Turismo, celebrarase unha edición máis coincidindo coa Romaría, a festa principal do municipio.
Co Mercadillo inaugurarase precisamente o calendario de actos dos festexos de Cabanas e prolongarase durante catro días. Tempo no que os diferentes postos porán os seus produtos á venda. De todo tipo, dende alimentación, xoias ata pezas decorativas, pasando por prendas de roupa ou artigos de papelería e xoguetes. O Concello habilita o seguinte teléfono 630 257 436 para ofrecer máis información ás persoas interesadas.
