O Concello de Valdoviño lanza en redes sociais a campaña #ViveValdoviño

Turismo de Valdoviño convida a veciños e visitantes a mostrar ó mundo o fermoso que é o municipio. Que descubran a través das redes sociais os seus espazos preferidos e outros menos coñecidos. Para iso, anima a todo o mundo a facerse un selfie con Valdoviño como escenario ou ben unha fotografía do espazo elixido e compartilo en Facebook e Twitter co hashtag #ViveValdoviño e o nome do emprazamento elixido. O Concello estará moi pendiente das redes para compartir cada imaxe e animar a que o fagan o resto dos seus seguidores. Así mesmo, cada semana elixirase unha das fotografías para ilustrar a foto de portada da páxina Valdoviño Turismo.

Para arrancar a campaña #ViveValdoviño, e durante as primeiras semanas, o Concello proporá algúns emprazamentos únicos nas diferentes parroquias. Así, comezará co encoro das Forcadas, a antiga igrexa de Loira, a lagoa da Frouxeira, a praia do Rodo, Porto do Cabo, o adro da igrexa de San Bartolo, a igrexa de Lago e a Capela do Porto.