Abeledo mantivo reunión con labregos da comarca

André Abeledo mantivo unha reunión cun grupo de labregos da comarca na oficina do Grupo Municipal de EU no Concello de Narón. O motivo da reunión era explicarlle a Abeledo a problemática que están a vivir coas desfeitas dos xabaríns nas súas colleitas.

Os labregos mantiveron unha reunión este venres día 9 co responsable de fauna cinexética dependente da Consellería de medio ambiente. O colectivo transmitíronlle a necesidade de que a Xunta poña os medios necesarios.

Abeledo saca a conclusión de que o colectivo entende a necesidade de que o xabarín e outras especies da nosa flora e fauna autóctona estean protexidas, pero tamén que se protexa o seu medio de vida. É moi difícil e da moito traballo sacar adiante unha explotación, ademais o sector primario é fundamental para que o noso país dispoña de soberanía alimentaría.

Entenden que é preciso facer un control da especie para evitar o excedente de poboación. Abeledo indicou que existen estudos que defenden que a castración pode ser un bo método, posto que o xabarín responde a caza reproducíndose máis veces como xeito de asegurar a especie.

Tamén entenden como moi importante, como parte fundamental, a necesidade da limpeza das zonas forestais e sobre todo das fincas agrícolas abandonadas, entendemos que esta medida evitaría a maior parte destes ataques, poi o xabarín non chegaría tan cerca das fincas sementadas.

O colectivo esta barallando constituírse nunha plataforma para defender o seu pan, e quixeron deixar moi claro que non queren axudas nin indemnizacións o que buscan e esixen son solucións.

Solicitarán tamén ser recibidos pola Ministra do Medio Rural e pola Consellería de Medio Ambiente.