Iniciouse a campaña anual de control de aves

O Goberno de Ferrol, a través da concellería de Medio Ambiente, lembra os veciños que xa está en marcha a campaña anual de control de aves, no concreto, da poboación urbana de gaivota patiamarela, estorniño pinto e pomba doméstica, que se executa a través dun plan de acción que, este ano, principiou a mediados de maio e estará activo ata o 31 de agosto

O obxectivo deste servizo, de balde para os veciños, é xestionar axeitadamente o control poboacional das aves no entorno urbano para evitar riscos de pragas e garantir a salubridade pública, ao tempo que se asegure o benestar dos animais e a calidade de vida dos veciños.

Con este fin, e para difundir o contido da campaña entre os cidadáns, editouse un folleto divulgativo, que se pode consultar na web municipal, no que se describen brevemente as características principais destas especies e se detallan os medios e horarios polos que se atenderán as queixas que calquera cidadán/á poida ter pola presenza destas aves.

Para dar conta de posible problemas relacionados coa nidificación das aves, está a disposición dos veciños o teléfono 981677809 ou na dirección de correo electrónico locusavis@telefonica.net en horario de 9:00 a 19:00 horas.

A Xunta de Goberno Local adxudicou a prestación deste servizo a Locus Avis o pasado 15 de maio por un importe de 63.0141 euros, Ive incluído. A empresa xa está a traballar nos 84 avisos dos que se tiña constancia no departamento de Medio Ambiente do Concello para dar resposta as demandas veciñais, fundamentalmente en inmobles situados no barrio de A Magdalena, Ferrol Vello e, en menor medida, nos Ensanches.

O programa de acción pasa unha visita aos domicilios dos solicitantes para resolver o problema encontrado o asesoralos en posibles solucións de índole privada. No caso do control de gaivotas, o obxectivo é reducir e desprazar a poboación de gaivotas que colonizou a cidade e fai uso dela alimentándose dos nosos refugallos e criando nos nosos edificios edificios, o que ocasiona ruídos, malos olores e danos nas cubertas.