Galicia Ártabra Digital Noticias de Ferrol y la comarca de Ferrolterra.
O Concello, a través da Concellería de Servizos Sociais, organizou o pasado luns en Pantín un obradoiro para cociñar en familia. Unha actividade gratuíta que se reeditará a vindeira semana –luns 5 de xuño, de 16,30 a 18 horas- no mesmo escenario, o local social da parroquia. Aínda queda algunha praza libre, polo que as familias con nenos e nenas de entre 2 e 6 anos aínda están a tempo de apuntarse. Poden facelo acudindo ó departamento municipal de Servizos Sociais –pranta baixa do consistorio- ou chamando ó teléfono 981 48 70 41 ext.5.
O taller de cociña está guiado por unha profesional e, na actividade, maiores e pequenos e pequenas disfrutan da elaboración dunha sinxela receita e, ademais de divertirse, aprenden as claves para unha dieta equilibrada.
