O San Xoan Tenis de Mesa organizou o I Torneo Ultimate Ping, contra a violencia de xénero

O pasado domingo, e paralelamente ao VI Torneo Aberto Internacional Cidade de Ferrol de Tenis de Mesa, o club San Xoan Tenis de Mesa organizou unha nova modalidade, o I Torneo Ultimate Ping, que tamén se disputa en outros paises europeos como Francia ou Alemaña, que se disputa en 4 mesas que forman unha gran mesa.

O que levou a entidade a disputar dita proba e en formato mixto foi que o deporte ten que transmitir valores de igualdade, e polo tanto de loita contra a violencia de xénero, da que ultimamente hai moitos casos.

Ademais a proba mixta foi eliminada da competición dos campionatos galegos e estatais, e polo tanto queren ademais dende o San Xoan Tenis de Mesa facer unha reivindicación para recuperala, como exemplo de valores de igualdade.

Ademais do trofeo agasallaron ás parellas do podium, cunha taza coa mensaxe a favor da igualdade e contra a violencia.

PODIUM:

1ª Rubén García (San Xoan) – Claudia Canay (Narón)

2ª Javier Diz (Club do Mar Coruña) – Diandra Cobelo (Narón)

3ª José Angel (Zás) – Ana García (Zás)

3ª Miki (Zás) – Laura Rodriguez (Cinania Cangas)