Charla sobre o uso responsable dos fármacos no local social de Vilaboa

A Concellería de Servizos Sociais de Valdoviño, en colaboración con Asfedro, organiza este mércores, 24 de maio, unha charla sobre o uso responsable de fármacos. Será a partir das cinco e media da tarde, no local social de Vilaboa, con entrada libre e de balde.

Será o farmacéutico da asociación o encargado de explicar á poboación a importancia de tomar os fármacos dunha maneira correcta e responsable nunha charla cuxo obxectivos son diminuír o consumo daqueles non indicados por profesionais; informar e concienciar á poboación en xeral dos riscos da automedicación, e formar no uso moderado e responsable dos mesmos.