Galicia Ártabra Digital Noticias de Ferrol y la comarca de Ferrolterra.
O Bloque Nacionalista Galego de Ferrol, continua a desenvolver encontros veciñais polos barrios para analizar a situación actual da cidade e as diferentes problemáticas que existen en cada barrio. É por isto que este luns, día 27, celebra un acto aberto en Santa Icia que vai ter lugar a partir das 19:30 horas no local da A.V.V. de Santa Icia.
O BNG informará neste acto sobre a situación na que se atopa o proceso para poñer en marcha a rede de saneamento en Ferrol e como a mesma vai repercutir nos veciños e veciñas. Así mesmo analizarase a rede de saneamento no rural.
O BNG considera necesario compartir co conxunto de veciños e veciñas da nosa cidade a información que ten sobre esta cuestión de actualidade xa que consideran que é un tema de grande interese.
