O BNG considera «absurdos» os orzamentos da Xunta para Ferrol

O portavoz do Bloque Nacionalista Galego de Ferrol, Iván Rivas, manifestou que os orzamentos da Xunta de Galiza para o ano 2017 «son absurdos porque propoñen o desenvolvimento de proxectos para a construcción dunha nova estacion intermodal cando nesta cidade non contamos con servizos ferroviarios de saida cara ao resto da comarca e cara a cidade da Coruña». Son absurdos porque é ridículo pensar que con 200.000 euros para a recuperación de vivendas se poden rehabilitar barrios como o de Ferrol Vello», apuntou o nacionalista.

Para Rivas «estes orzamentos son absurdos porque contemplan que sigamos pagando por unha infraestructura como son os interceptores xerais da marxe dereita da ría de Ferrol para a execución dun saneamento baseado nunha rede unitaria, un saneamento que debería asumir o Estado mentres a estación depuradora segue sen funcionar e a Xunta de Galiza segue sen reclamarlle as responsabilidades precisas a quen foi responsabel da súa construcción», asegurando tamén que «son absurdos porque seguimos a financiar con millóns de euros unha batea artificial que o único que produce son perdas ao sector marisqueiro desta cidade e a comarca mentres os fondos da ria e da enseada da Malata siguen sen limparse e o peirao carboeiro segue sendo unha barreira artificial que impide a rexeneración natural desas augas».

O nacionalista sumou ás «absurdeces» dos orzamentos «porque o dique flotante, que aparece e desaparece destes orzamentos, evidencia que non existe unha política da Xunta de Galiza respecto do principal sector productivo que existe nesta cidade que é o sector naval». Ademáis, «son absurdos porque se considera que seguir desenvolvendo constantemente ano tras ano o plan director do Aqrquitecto Marcide, mentres o hospital Naval e o Novoa Santos continuan infrautilizados, é unha política acaida para resolver as nosas carencias no que ten que ver coa área sanitaria», concluiu Rivas.