O BNG de Ferrol lamenta o acto municipal de celebración da Constitución Española

O portavoz do Bloque Nacionalista Galego de Ferrol, Iván Rivas, lamentou hoxe a celebración do texto constitucional por todas as organizacións políticas que conforman a corporación municipal a excepción do BNG.

«A celebración deste feito demostra a coincidencia ideolóxica e política nas cuestións fundamentais de PSOE, PP, Ferrol en Comun e C´s que asumen un texto que consagra o pago da débeda como prioridade fronte a atención à sociedade, a dotación de servizos á cidadanía ou coberturas básicas como o paro ou a seguridade social», apuntou Rivas, quen considerou que «Ferrol en Común, a organización que sostén o goberno local, asuma co resto de organizacións políticas estatais o desenvolvimento deste tipo de actos demostra incluso nas formas as coincidenciais e similitudes entre elas e que o que se nos esta a propoñer à sociedade ferrolá é un recambio mais que un cambio real».

«Para o BNG é fundamental para a nosa subsistencia que sexamos capaz de responsabilizarmos por nós mesmos do noso futuro, e a partir de aí estebelecer as relacións que precisamos en pe de igualdade co resto de nacions que conforman o Estado, porque máis alo da agresividade coa que se ten aplicado o actual marco político e xurídico estabelece unhas limitacións e condicionantes tan grandes que despois de 40 anos de constitución española e marco estatutario o resultado obxectivo é unha Galiza máis empobrecida e despoboada», dixo Rivas

«Desde o BNG consideramos imprescindíbel o desenvolvimento dun novo marco de relacións entre o Estado e Galiza no que recademos nós os nosos impostos, decidamos nós sobre o sector naval, o agro ou a pesca sen limitacións e intereses estratéxicos, porque ninguén vai mirar por nós como non o fagamos nós», concluiu o portavoz nacionalista.