Galicia Ártabra Digital Noticias de Ferrol y la comarca de Ferrolterra.
O teatro de marionetas da compañía Trompicallo centrará unha das actividades programadas desde a Concellería de Ensino e Bibliotecas, a través do Servizo de Normalización Lingüística, no local social de Piñeiros. A cita, baixo o título «O día que chegou unha nube e choveu», programouse para o vindeiro 7 de outubro e diríxese a familias con nenos de entre 1 e 5 anos, tal e como indicou a concelleira da área, Mercedes Taibo. Na xornada de mañá luns abrirase o prazo de inscrición nesta actividade, de balde, e para a que terán prioridade as familias que forman parte do proxecto Apego.
A edil explicou que a convocatoria se desenvolverá en dúas sesión, unha que dará comezo ás 18:30 e a outra a partir das 19:30 horas. En cada un dos pases non poderá haber máis de cincuenta persoas, para deste xeito garantir o correcto desenvolvemento da actividade. O argumento da historia iniciase nun espazo cuberto de pedras e no que unha vez que comeza a chover aparecen herba, flores, peixes e ovellas, entre moitas outras especies.
As persoas interesadas en asistir deben anotarse no Servizo de Normalización Lingüística do Concello, a través do correo electrónico: a.pita@naron.es ou chamando ao número de teléfono 981 337 700 (ext.:1516).
