A unidade móbil de doazón de sangue visita Cabanas este xoves

Uunha unidade móbil do Centro de Transfusión de Galicia (CTG) desprazarase este xoves a Cabanas onde permanecerá entre as 16 e as 21 horas no estacionamento ubicado fronte á farmacia. O obxectivo é facilitar a doazón de sangue á cidadanía e garantir así as necesidades de compoñentes sanguíneos por parte dos centros sanitarios galegos.

Pode doar sangue calquera persoa de máis de 18 anos, que pese máis de 50 quilos e que non padeza nin teña padecido enfermidades transmisibles polo sangue (VIH, hepatite B ou C,…). A doazón de sangue é un acto sinxelo que permite a moitas persoas solucionar o seu problema de saúde e mesmo salvar a súa vida.