Galicia Ártabra Digital Noticias de Ferrol y la comarca de Ferrolterra.
O BNG de Ferrol pídelle ao Goberno Local e ao PP que «deixen de xogar ao despiste e asuman a súa responsabilidade, uns como Goberno encargado de elaborar os orzamentos deste ano 2016 e os outros como responsables do austericidio económico dos últimos 5 anos con responsabilidade compartida no último ano con PSOE e FeC» sinala nun comunicado a formación nacionalista.
Para o BNG «a política económica do PP parece que non é do total desagrado do goberno que leva cos orzamentos prorrogados do PP desde o inicio do ano e á vista da documentación aportada non ten vontade de desenvolver os seus propios ou non quere mostrar as súas verdeiras intencións para a xestión do diñeiro municipal.
Quizais que o responsable de Facenda este ausente durante estes días é o que motiva o descoñecemento da Alcaldesa en funcións da documentación que acompaña aos orzamentos municipais e que seguro que o servizo de intervención municipal non ten ningún problema en aclararlle cal é o seu contido».
Ivan Rivas, portavoz municipal do BNG, sinalou que «en calquera caso, incluso nos tempos para o estudo dunha documentación inexistente o actual goberno segue o mesmo comportamento despótico do PP dos 4 anos anteriores, que tamén daba 15 días para a súa análise e valoración.
15 días que descoñecemos cando comezan a contar xa que o Alcalde da Cidade anunciou o venres 29 de xullo que os grupos da oposición contarían cunha simple memoria o luns día 1 de agosto que a día de hoxe seguimos sen recibir, e por tanto deberían aclarar a partir de que momento contan eses 15 días. Si é desde a entrega do estado de gastos, desde a futura entrega da memoria, ou desde a entrega dos orzamentos municipais para este ano 2016.
Desde o BNG consideramos que desde a falsidade e carencia de argumentos e improbable que este Goberno poida atopar un aliado no BNG e esta actitude só beneficia aos intereses partidistas do PP que só nos suscita unha dúbida que é si esta maneira de proceder é inconsciente ou se o suicidio político do actual goberno é premeditado.
Sexa como sexa desde o BNG demandamos ao actual goberno que rectifique xa non por poñerse eles mesmos aos pés dos cabalos do PP senón por responsabilidade coa Cidade xa que tamén están a poñer aos pés dos cabalos do PP os intereses dos veciños e veciñas da Cidade, despois de estar sometidos á tiranía dun goberno con maioría absoluta durante os 4 anos pasados que o actual goberno parece querer emular».
O BNG non sei a que xoga, por unha banda crítica o goberno actual o que grazas a el esta a gobernar a cidade, mais ben desgobernar e facer de Ferrol unha aldea, porque si esto non cambia chegaremos a eso.
Poñedevos as pilas e haber si de unha vez por todas facedes algo útil polos ciudadans, e vos deixarse de parvadas, estamos cansos de oír sempre a mesma cantinela.
Tendo en conta que morrían de fame centos de nenos por falta de unha política social e que era noado facer un cambio na xestión municipal para evitar tal desfeita, queda claro que a presa non e o seu. Débeno ter ben planificado. O certo e que para ser de esquerdas tes que ser millonario, porque non sei cantos nenos e desafiuzados morrerían nos últimos 15 (KUIDADO. QUINCE) meses de politica de exterminio social (Beiras, dixit). O non será que lles trae sin ansia que sigan gobernando co aldraxante presupuesto do PP.