Reunión no concello con membros da asociación de montes vecinais de Cha

O alcalde de Ferrol, Jorge Suárez, e a concelleira de Zona Rural, Rosa Méndez, mantiveron na mañá deste xoves unha reunión con membros da Asociación de Montes veciñais de Cha para explicar o réxime aplicable en materia de usos aos montes de Brión.

Segundo explicou Rosa Méndez o réxime de usos de ditos bens comunais leva consigo o aproveitamento en réximes de explotación común ou cultivo colectivo correspondéndolle dito aproveitamento a quen ostente en cada momento a condición de veciño das parroquias de Doniños e Brión.

Así, dende o punto de vista práctico «semella oportuno que estes titulares da explotación creen unha estrutura organizativa que consideren apropiada para a xestión e explotación». Polo que se refire ao desenvolvemento de dita explotación semella conveniente iniciar canto antes a elaboración dunha ordenanza que regule a explotación comunal.

O goberno local, remarcou, apoiará a decisión tomada polos veciños atendendo aos dereitos destes tal e como aparecen reflectidos no informe realizado polo técnico municipal correspondente.