Veciños de Cabanas participaron na ruta cultural a Salvaterra e Portugal organizada polo Concello

Un total de 63 veciños de Cabanas partiron este mércores en autocar cara Salvaterra de Miño e Monçao, no Norte de Portugal, no marco da viaxe cultural que organizou o Concello de Cabanas. Nesta liña, a concelleira de Cultura do municipio, Esperanza Gayoso, valorou moi positivamente a resposta da veciñanza á convocatoria municipal.

Os excursionistas puideron coñecer a localidade lusa de Monçao, visitar a súa feira, unha das máis multitudinarias, e percorrer o Palacio da Brejoeira, de estilo neoclásico e declarado Monumento Nacional. O xantar realizouse no restaurante Central. E, a continuación, fixeron parada no concello de Salvaterra do Miño, onde se ubica o maior parque público de Galicia unido ao río, o da Canuda, cunha superficie duns 115.000 metros cadrados e reclamos como un paseo fluvial de varios quilómetros, un pequeno lago, xardín botánico ou animais de granxa.