Cooncluíu o II Taller de radio, en Fene

Coa gravación dun programa de radio na emisora municipal Radio Fene, concluíu o II Taller de Radio, promovido pola Biblioteca Municipal «Pérez Parallé» para conmemorar a Semana da Prensa. A concelleira de Cultura e Ensino, Amalia García, foi a encargada  de entregar os diplomas aos oito nenos e nenas participantes que, unha vez finalizada a actividade, recibirán copia do programa realizado.

Achegar aos nenos/as ao medio radiofónico mediante o xogo, a investigación e a creatividade sonora, foron os principais obxectivos desta actividade na que os/as participantes realizaron tarefas propias de productores, redactores e locutores de radio. No decurso do taller –que se desenvolveu ao longo de catro sesión de hora e media de duración- os/as nenos elaboraron as súas propias noticias, realizaron unha entrevista ao alcalde de Fene, Juventino Trigo, e a diferentes traballadores e usuarios da Biblioteca Municipal e do Museo do Humor. E, cara o remate do obradoiro, traballaron na imaxe sonora do seu programa ao que chamaron «Bira Fene».

Este II Taller de Radio da Biblioteca Municipal de Fene encadrouse un ano máis na conmemoración da Semana da Prensa 2016.