Galicia Ártabra Digital Noticias de Ferrol y la comarca de Ferrolterra.
O Centro Comunitario Manuela Pérez Sequeiros acollerá mañá un dos actos incluídos no programa deseñado polo Concello de Narón para conmemorar o Día Internacional da Muller. Nesta ocasión terá lugar un obradoiro de saúde sobre o Virus do papiloma humano a cargo de Carolina Aneiros, médico do Sergas, e de dúas residentes de segundo e terceiro ano, Natalia Domínguez e Eva Laíño. A actividade comezará a desenvolverse ás 18 horas, tal e como recordou a edil de Igualdade, Teresa Sabio, que presentará a convocatoria.
A programación continuará o 29 de abril, cando ese mesmo obradoiro de saúde se impartirá a partir das 16:30 horas no IES das Telleiras a alumnado de cuarto de ESO dese centro e do IES Terra de Trasancos, previéndose que asistan algo máis de cen persoas. O 1 de abril rematará a programación conmemorativa do 8 de marzo cunha ponencia sobre Saúde cardiovascular feminina, que comenzará ás 18:30 horas no Centro Comunitario Manuela Pérez Sequeiros.
