Galicia Ártabra Digital Noticias de Ferrol y la comarca de Ferrolterra.
Eliximos Narón informaron que van aportar a través da ASCM información sobre a inaccesibilidade ao expediente aberto pola Valedora do pobo contra o Concello de Narón.
Así o informaron dende o grupo municipal naronés, sinalando que «dende o outubro pasado vimos reclamando ao Concello que cumpra as súas obrigas en tema de accesibilidade, dende a atención ao público no propio edificio do concello ata pequenas accións de concienciación social dos problemas da accesibilidade, pasando pola obrigatoria do establecemento de fondos dos orzamentos para o cumprimento das condicións básicas de accesibilidade. Tres mocións e propostas orzamentarias que o Goberno non dubidou en rexeitar», indicaron.
«Xa é de todos coñecido que os políticos son inaccesibles en Narón, pero tamén fan inaccesible dende a participación na política, nin como espectador, xa que, por exemplo, non existe un entorno accesible para a asistencia aos plenos, ata a cultura, xa que tampouco é accesible o Pazo dos 17 millóns de euros no que se encerra a cultura, e ao que se destinan 1,6 millóns de euros ao ano (o 5,5% do presuposto do Concello). Aclarar que xa sabemos que ten unha rampla para chegar ao “galiñeiro” pero moverse o outro nivel ou ir ao escenario xa é unha odisea polo espazo exterior».
«Narón e excluínte en todos os aspectos porque así o decidiron os seus políticos e porque así o estano a facer», remataron no seu comunicado.
