Galicia Ártabra Digital Noticias de Ferrol y la comarca de Ferrolterra.
Como cada ano, a AVV Ultramar dá a benvida ao outono cos tradicionais Samain e Magosto do barrio. Os actos terán lugar o vindeiro venres 31 de outubro no local da entidade veciñal, na rúa Sartaña 20 baixo.
A partir das 17:00 horas e ata as 19:30 horas, comezarán as actividades gratuitas para os máis pequenos: obradoiros de elaboración de cabazas, xogos, concursos, premios… Non será necesaria a inscripción previa.
A partir das 20 horas, iniciarase o Magosto popular, no que se servirán 200 kg de castañas e diversas bebidas, todo de xeito gratuito. A degustación de castañas estará amenizada pola AFC Terra Meiga.
RECOLLIDA DE ALIMENTOS PARA OS NECESITADOS DA ZONA
A organización veciñal anima a todas as persoas a achegarse ao seu local neste encontro cidadán xa tradicional por estas datas.
Así mesmo, lembra que, como xa fixeron nos últimos anos, xa dende o mes de novembro, recollerán alimentos para o grupo de Caritas da zona; polo que anima a que o día doMagosto a xente acuda con alimentos para axudar aos veciños e ás veciñas do barrio.
EN NARON
O Padroado da Cultura do Concello de Narón celebra mañá venres 31 de outubro a 17ª edición do Samaín de Narón. Tódolos actos terán lugar entorno ó Local Social Municipal de San Mateo, e realízanse en colaboración coa Agrupación Veciñal de San Mateo de Trasancos.
A celebración presenta un cargado programa de actos, que dará inició ás 17:00 horas coa apertura da Exposición das Cabazas realizadas polos escolares de Narón, obradoiros nos que participaron entorno a 500 alumnos/as do municipio. Tamén á mesma hora ábrese o Obradoiro de Maquillaxe.
Entorno ás 19:00h. a Compañía de Teatro ‘Os Ghazafelhos’ representará o seu espectáculo “Contos para Escagarriñarse”, recomendadado para tódolos públicos e seguidamente partirá a Comitiva do Samaín pola parroquia de S. Mateo de Trasancos.
Entorno ás 21:00h. abrirase a terrorífica e agardada Casa do Medo, onde se vivirán esceas de auténtico terror e pecharanse os actos có convite da Agrupación Veciñal de San Mateo de Trasancos a unha cunca de caldo e coa música dos grupos de gaitas do Padroado da Cultura do Concello de Narón.
MAGOSTO NOS COMEDORES SENIOR DE FERROL
A Concellería de Benestar Social do Concello de Ferrol, que dirixe Rosa Martínez Beceiro, celebrará os vindeiros venres, días 31 de outubro e 7 de novembro, o Magosto nos diferentes Comedores Senior que están en funcionamento na cidade. Esta actividade de dinamización permitirá aos usuarios dos catro Comedores Sénior da cidade (Río Xubia, Caranza, Esteiro, e San Pablo-Catabois) gozar dun menú especial e unha sobremesa de castañas asadas e cocidas durante estas dúas xornadas.
O magosto ou festa da castaña é unha festa popular que ano tras ano gaña máis importancia, e con elo recupera a gran celebración que antigamente foi para os pobos de Galicia. Así, o vindeiro 31 de outubro os usuarios dos catro Comedores Sénior de Ferrol realizarán un obradoiro de elaboración de zonchos -colares con castañas- para recuperar as tradicións galegas. Esta actividade estará dinamizada por membros da Oficina de Voluntariado
