Galicia Ártabra Digital Noticias de Ferrol y la comarca de Ferrolterra.
A Estación de Bioloxía Mariña da USC na Graña conta xa cun escáner MicroCT que permite aos grupos de investigación e empresas especializadas obter imaxes en alta resolución en dúas e tres dimensións a partir de mostras de pequeno tamaño.
Esta ferramenta foi presentada o venres, día 16, nun acto no edificio CACTUS, no Campus Vida,en Santiago de Compostela, no que participou o vicerreitor de Investigación e Innovación, Francisco García.
O director da estación e catedrático da USC Victoriano Urgorri, explicou as vantaxes de empregar este escáner para a investigación en diversos campos.
Á presentación tamén asistiron o director da Rede de Infraestruturas de Apoio á Investigación e ao Desenvolvemento Tecnolóxico (RIAIDT), Raúl Vieira, e o director do Campus do Mar, Emilio Fernández.
