Ruta «do pincho» en Ares

O Concello de Ares colabora un ano máis na ruta do Pincho que xa chega á súa quinta edición e organiza a Asociación de Empresarios de Ares, Asemares. Como informou a súa presidenta, Ana María García López, nesta ocasión tamén colabora a ferretería SAR, Master Cadena y Bodegas Murillo Viteri.

A ruta do pincho desenvolverase durante as fins de semana –sábados e domingos- ata o 16 de xuño, en horarios de 12.30 a 14.30 e de 19.30 a 21.30 horas, ata o 16 de xuño. Durante o horario establecido, os 13 locais que participan –Cervecería Abel, A Kafeta, Yambú, Casino Aresano, O Gaiteiro, Casa Reme, O’Bodegón, Porta do Sol, O’Lago, La Tribu, El Pescador, La Ría e Prados Vellos-, entregarán aos participantes os cartóns nos que porán o cuño correspondente por cada pincho, que inclúe consumición e terá un prezo de dous euros.

Os cartóns poderán depositarse nas urnas que haberá en cada establecemento ata o día 19 de xuño. Un xurado de cociña percorrerá todos os locais para probar cada pincho e, unha vez avaliados todos, procederase á elección dos premiados por categorías. O establecemento que resulte vencedor da categoría de “mellor pincho” acollerá o sorteo de premios entre as persoas que teñan entregado os cartóns correctamente selados por todos os participantes.