Presentados catro novos fósiles de cetáceos descubertos pola SGHN

O alcalde de Ferrol, Jose Manuel Rey Varela, participou hoxe na presentación de catro novas especies fósiles de cetáceos da Sociedade Galega de Historia Natural (SGHN) de Ferrol. O acto contou ca presenza do Presidente da SGHN, Serafín González; do coordinador da entidade, Juan Ignacio Díaz da Silva; e o científico que lidera a investigación, Ismael Miján.

O rexedor municipal manifestou a súa satisfacción polo traballo permanente e a colección de fósiles coa que conta a Sociedade Galega de Historia Natural. “Labor que permite que unha das mellores coleccións do mundo este na nosa cidade”, salientou. Ademais, destacou o convenio permanente que o Concello de Ferrol realiza coa SGHN e sinalou que “confío en que canto antes poda darse un pulo ás actividades da sociedade”.

Pola súa banda, o presidente da SGHN subliñou que esta entidade “naceu fai 40 anos para o estudio e defensa do patrimonio natural galego e o seu aniversario coincide có descubrimento de estas catro novas especies de cetáceos”. Así mesmo, o coordinador, Juan Ignacio Díaz, agradeceu aos mariñeiros que cedan á entidade os achédegos que atopan no mar, “o quen os permite seguir investigando e contar cunha colección fixa”.