Galicia Ártabra Noticias de Ferrol y la comarca de Ferrolterra.
Estas actuacións mobilizan máis de 360.000 euros en investimentos.
O Goberno local de Ferrol aprobou a adxudicación de dúas importantes actuacións demandadas polos veciños de Serantes e Covas. Así a primera das adxudicacións refírese á obra de Mellora das redes de abastecemento e saneamento na Rúa Lousas, incluída no Plan Provincial de Cooperación ás obras e servizos de competencia municipal. POS+ADICIONAL 2/2025 (1ª FASE).
A empresa Novavial SL será a encargada de executar estes traballos por un importe de 300.681,59 euros e nun prazo de catro meses.
Con esta actuación- avanzou o rexedor José Manuel Rey Varela– damos resposta a unha demanda da veciñanza e melloraremos de forma significativa un servizo básico para os residentes da zona.
Os traballos previstos abranguen o tramo comprendido entre o cruzamento coa estrada provincial DP-3603 e o enlace coa rúa Botana, onde se renovarán por completo as actuais infraestruturas de abastecemento e saneamento para adaptalas ás necesidades actuais da contorna.
O proxecto contempla dotar á rúa dunha rede de drenaxe da plataforma independente da rede de saneamento e substituír por completo a actual rede unitaria de saneamento de forma que o saneamento pase a ser separativo e de PVC. A mellora destes servizos acompañará á retirada das antigas redes e a reposición do firme da calzada na súa totalidade.
A actuación completarase coa construción de arquetas de acometidas diferenciadas para cada parcela e a instalación de novos sumidoiros.
CAMIÑO C 32 AS CABAZAS COVAS
A XGL adxudicou tamén a obra do aglomerado do camiño C-32 en As Cabazas, Covas, incluído no Plan Provincial de Cooperación ás obras e servizos de competencia municipal. Plan Único de Concellos POS+2025 (Achega provincial 2024). A empresa Canarga SL encargarase destes traballos orzamentados en 59.431 euros.
A intervención contempla a regularización do firme existente, limpeza dasm marxes e canles, estendido dun novopavimento aglomerado e inclúe, tamén, a sinalización vertical e horizontal do vial. A actuación afecta a unha uperficie de 3.090,60 metros cadrados e a unha lonxitude de 606 metros.
Trátase dun camiño que é transitado, principalmente, por vehículos lixeiros que acceden á zona, polo que a súas reparacións resultan prioritarias, atendendo á importancia social derivada do seu uso. O prazo de execución é de dous meses.
