Galicia Ártabra Noticias de Ferrol y la comarca de Ferrolterra.
O alcalde Bernardo Fernández sinala que «dende o equipo de goberno municipal seguimos traballando para facer de Pontedeume unha vila máis coidada, verde e acolledora».
Estas actuacións xa chegaron ao cemiterio municipal, á entrada do paseo marítimo, á avenida da Coruña, á avenida de Saavedra Meneses, aos Xardíns de Lombarderon e ao parque-miradoiro da avenida de Ferrol, renovando e acondicionando espazos que forman parte da imaxe diaria da vila.
«Este traballo terá continuidade nas próximas semanas en máis zonas do municipio, pero queremos ir máis alá», sinala o alcalde Bernardo Fernández Piñeiro. «Nestes momentos estamos xa redactando o proxecto de humanización da praza superior do Mercado Municipal, na rúa San Miguel», engade.
«O obxectivo é renovar completamente este espazo para convertelo nun lugar máis amable, atractivo, acolledor e pensado para as persoas, mellorando a súa imaxe e creando un entorno máis agradable para desfrutar no corazón da vila», afirma o rexedor.
Sinala tamén que «deste xeito teremos un Pontedeume máis bonito, máis verde e máis agradable para vivir e desfrutar». «Pouco a pouco, seguimos actuando sobre os nosos espazos públicos, coidando o que temos e transformando aqueles lugares que aínda teñen moito potencial», conclúe.
