Galicia Ártabra Noticias de Ferrol y la comarca de Ferrolterra.
O BNG denunciou a situación insostible do transporte interurbano por autobús en Ferrol e acusou á Xunta de Galicia de ignorar as demandas veciñais e de estudantes.
O BNG lembra que na actualidade a liña de autobuses que conecta Ferrol con Lugo ten unhas conexións mínimas e uns horarios absolutamente disparatados para as persoas usuarias en xeral e non digamos xa para as estudantes universitarias do campus lucense. Así destaca que cos horarios actuais, por exemplo, resulta materialmente imposíbel ir e volver de Lugo nun mesmo día.
As iniciativas parlamentarias esixen incrementar as conexións directas e mellorar os horarios na liña Ferrol-Lugo, ademais de demandar solucións ante as constantes avarías e fallos de seguridade no servizo operado por Monbus na ruta entre Ferrol e A Coruña.
É por isto que o BNG reiterará en sede parlamentar as demandas para mellorar as conexión interurbanas por autobús desde Ferrol, “estamos a falar da conexión coas cidades galegas máis próximas, parece mentira que nesta altura non teñamos uns servizos diarios con todas as garantías”.
