Galicia Ártabra Noticias de Ferrol y la comarca de Ferrolterra.
A inauguración contou coa participación da Danza de Arcos, a Rondalla de Cariño, a Banda de Gaitas do Ortegal, a Banda de Gaitas San Xiao do Trebo e a Coral Polifónica de Cariño, que puxeron música, tradición e emoción a este día tan especial.
O Concello de Cariño inaugurou este domingo o mural da Rampla do Castro, obra do muralista galego Wedo Goás, con máis de 30 festivais de arte urbana nacionais e internacionais ás súas costas e recoñecido en 2025 por Street Art Cities como Mellor Mural do Mundo.
A inauguración contou coa participación da Danza de Arcos, a Rondalla de Cariño, a Banda de Gaitas do Ortegal, a Banda de Gaitas San Xiao do Trebo e a Coral Polifónica de Cariño, que puxeron música, tradición e emoción a este día tan especial.
O mural é unha homenaxe ás raíces e a todas aquelas persoas que, co seu traballo, esforzo e loita, foron construíndo ao longo dos anos un sentimento por Cariño, “o pobo co nome máis bonito do mundo”. Trátase, segundo o goberno local, dunha obra “nacida da alma e do corazón da nosa xentiña, sexa unha homenaxe a quen nos deixou a nosa identidade e o legado que hoxe temos a responsabilidade de manter vivo”.
O Concello de Cariño lembra que este proxecto non é unha actuación illado, senón que forma parte dun proxecto de futuro no que queren seguir traballando, “a través de novas obras, diferentes capítulos da nosa historia, da nosa cultura e das nosas tradicións”. Este mural, lembra o goberno local, foi un proxecto durante anos bloqueado, sen ter saída nin conseguir a súa consecución, aínda que novas xestións permitiron o seu desbloqueo ata conseguir que hoxe sexa unha realidade.
Agradecen especialmente á Xunta de Galicia pola súa implicación e apoio no proxecto para que facer posible a obra.
