Galicia Ártabra Noticias de Ferrol y la comarca de Ferrolterra.
O Concello de Cedeira celebrará o vindeiro domingo, día 30 de agosto, o XII Certame de Pintura Rápida Vila de Cedeira, desta volta cunha edición especialadicada á parroquia de Cervo.
A dinámica do concurso será a habitual: as e os artistas deberán inscribirse entre as 09.00 e as 11.00 horas no posto de información da rúa Ezequiel López e despois enviar as coordenadas do lugar no que sitúan o caballete. A entrega das obras será ás 18.00 horas, como hora límite, e o xurado emitirá o seu ditame ás 19.00 horas.
Repartiranse 2.500€ en premios.
Concretamente, o primeiro premio está dotado con 900€ e diploma, mentres que o segundo e o terceiro recibirán 700 e 500€ con cadanseu diploma. Tamén entregaranse catro accésits de 100€ cada un deles. O soporte non superará os 100x81cm e as persoas participantes deberán levalo no momento da inscrición para que a organización lle poña o correspondente cuño. A inscrición é gratuíta e o Concello apunta que, na medida do posible, os artistas deberán levar o seu cabalete para pintar e tamén para expoñer a súa obra ao finalizar o certame.
Nesta edición o escenario é a parroquia de Cervo, que abrangue os lugares de Arrasa, As Lamelas, Calvario, O Cancelo, O Carreiro, Cervetelo, Chímparra, A Corredoira, Corveiro, O Covo, Eirado, Espiñaredo, Golmar, A Graña, Lucín, Magoira, Nebril, Punta Candieira, Rabadán, Remesal, Os Salqueiros, Sobolocovo, Trasmonte, Vilar e Vilas.
Ao rematar o prazo, antes das 18.00 horas, deberán entregarse as obras na sala Áncora, situada na praza Roxa. Como é habitual, despois de que o xurado emita o seu fallo, as obras non premiadas poderán poñerse á venda asinadas e co prezo indicado na traseira.
