Galicia Ártabra Noticias de Ferrol y la comarca de Ferrolterra.
A competición na Liga Galega de Traiñeiras B chegou ao seu fin este sábado coa celebración da XII Bandeira Mariña Cabo da Cruz – Concello de Boiro, a sétima e última proba do calendario. Nesta ocasión, o mal tempo cobrou un gran protagonismo, xa que os remeiros tiveron que enfrontarse a un mar revolto e a un vento sostido de máis de 25 km/h, con refachos que rozaron os 40 km/h. , marcando estas circunstancias meteorolóxicas o rumbo da regata.
A proba arrincou cos equipos Bueu Simei B, Chapela Wofco B e Riveira na quenda inicial. Desde o principio, a tripulación de Riveira impuxo un ritmo superior que lle permitiu liderar a regata e alcanzar a primeira virada en solitario. Pola súa banda, Chapela Wofco B pasou nese primeiro xiro a catro segundos do líder, mentres que Bueu Simei B fíxoo a seis segundos da cabeza.
A manga quedou practicamente sentenciada co cambio nas condicións do mar e do vento, que provocaron un cambio radical nos tempos no longo de regreso. Se o primeiro longo se completara en preto de 5 minutos, o segundo achegouse aos 10 minutos, disparando as diferenzas. Riveira aproveitou este momento para abrir unha brecha importante sobre os outros barcos y confirmar con autoridade a vitoria da quenda, con Chapela Wofco B na segunda posición e Bueu Simei B na terceira.
Na quenda de honra tomaron a saída Rianxo, Salgado Perillo, Cabo da Cruz B e Puebla. Rianxo chegaba á última xornada coa Liga B prácticamente gañada, coa única misión de certificar o título. Por detrás, pelexaban polo segundo posto da clasificación que daba acceso aos play-off, Salgado Perillo e Puebla.
Na primeira virada Rianxo logra acadar a cabeza pasando Salgado Perillo en segunda posición, mentres por detrás disputaban moi igualadas, Puebla e Cabo da Cruz B.
Rianxo amplía vantaxe na segunda virada mentres Puebla e Salgado Perillo chegaban case á par, perdendo contacto coa cabeza, Cabo da Cruz B. Segundo trascurre a terceira virada, Rianxo segue a ampliar vantaxe e posición.
A vitoria na bandeira e o título de Liga B finalmente conquistouno Rianxo. O segundo posto tras remontar a Puebla (que acada a terceira posición) foi para Salgado Perillo e Cabo de Cruz B finalizou cuarta.
