O Campus Industrial de Ferrol acolle o XIV Congreso de Estudantes de Podoloxía de Galicia

O Salón de Actos Concepción Arenal do Campus Industrial de Ferrol acollerá, este xoves 5 e venres 6 de marzo, a partires das 9:00 horas, o XIV Congreso de Estudantes de Podoloxía de Galicia. Nel, participará alumnado do grao en Podoloxía pertencente á Universidade da Coruña (UDC) e á Universidad de Léon, así como un bo número de persoas expertas neste campo procedentes de distintos puntos de España.

Un ano máis, o evento está organizado polo estudantado do 4º curso do grao en Podoloxía, titulación que se imparte na Facultade de Enfermaría e Podoloxía do campus ferrolán, en colaboración coa Asociación Galega de Estudantes de Podoloxía da Universidade da Coruña (AGEP UDC), nada en 2024.

Programa

O programa deste XIV Congreso de Estudantes de Podoloxía de Galicia inclúe, na mañá do xoves 5 de marzo, as conferencias da especialista do Equipo Internacional de Ortopedia Pediátrica e Método Ponseti Dra. Ey na Clínica
Diagonal, en Barcelona, Marta Vinyals; do CEO de Integral Biomechanics & Orthopodiatry (IBOP), a primeira EBC en Biomecánica e Ortopodoloxía da Universidad de Sevilla (US), José Manuel Castillo, ou do presidente de
Profesionales de la Podología Española (PROPODE), Alejandro Fernández.
Tamén se achegarán ata o Campus Industrial de Ferrol, ao logo desa mesma mañá, o xefe da Unidade de Pé Diabético da Universidad Complutense de Madrid (UCM), José Luis Lázaro; o podólogo da Clínica Felipe Basas, en Salamanca, Carlos Virosta, e o xerente da Clínica Podológica Vigil, en Oviedo, Manuel L. Vigil.
Xa pola tarde, a Facultade de Enfermaría e Podoloxía acollerá un total de 10 obradoiros teórico-prácticos impartidos, entre outros, polo podólogo e divulgador Manuel Vidal; polo CEO de GABA Podología & Movimiento, en Sevilla, José Gabriel Garrido; polos membros da ONG Podología Sin Fronteras, Antonio Muñoz e David Rodilla, ou pola directora da Clínica Podológica Martínez, na Coruña, Dolores Martínez;

O Taller de Ortopodoloxía, a Sala de Quiropodoloxía, a Sala de Moldes, a Sala de Exploración, o Gabiente de Quiropodia e a Sala de Biomecánica serán algúns dos espazos nos que se impartan boa parte destes obradoiros, unha proposta formativa na que tamén participarán a directora da Clínica Pousa o Pé, en Vigo, Débora Pousa; a podóloga na Clínica Podogal, na Coruña, Andrea Iglesias; a formadora no método NEC para a reconstrución das unllas, Mariana Mitran, e o podólogo, fisioterapeuta e osteópata Daniel Torres.

Para rematar, o programa do congreso, inclúe, para a xornada do venres 6 de marzo, as conferencias do director da Clínica Supié, en Valladolid, Héctor Alonso, ou do creador da marca Brain4Feet, Sergi Prades, entre outros.