Galicia Ártabra Digital Noticias de Ferrol y la comarca de Ferrolterra.
A zona exterior da casa da cultura acollía na mañá do venres 26 a primeira das funcións que este ano trae ao concello de Valdoviño o Festival Internacional de Entes Animados.
Nesta ocasión, a concellería de Cultura reservaba a representación para o alumnado do CPI Atios, que seguía con atención a obra «O urso que nâo era», da compañía portuguesa de Márcia Leite.
A peza está inspirada no libro homónimo de Frank Tashlin, e convida a reflexionar, entre outros temas, sobre a contaminación, a destrución do medio natural, a indiferenza ou a perda de identidade.
O festival continuará en Valdoviño este domingo 28, coa función «O Cabaleiro sen Cabalo» de Pizzicatto. Dirixida a un público familiar, terá lugar ás 12:30 horas na Porta do Sol, coincidindo co feirón mensual.
