Equiocio Ferrol Social continúa co calendario de actividades previo ao certame

Equiocio Ferrol Social continúa co seu calendario de actividades previo ao certame, e o venres 20 pola mañá levaba a cabo unha acción medioambiental na contorna do Campo das Cabazas, en Covas.

Seguindo a estela de anos anteriores, entidades do ámbito sociosanitario das comarcas de Ferrol, Eume e Ortegal protagonizaron unha plantación de lonicera ligustrina e allysum blanco na zona máis próxima á pista de competición, baixo a dirección da mestra horticultora Cristina Cagiao, de Saúde Mental Ferrol, Eume e Ortegal.

Na actividade participaron usuarios e usuarias, equipos e directivas de Aspanaes, Afal Ferrolterra, Asociación ASCM, Patronato Concepción Arenal, Aspaneps, Asociación de Persoas Xordas de Ferrolterra, Basketmi, Espazo Návitas e Saúde Mental Ferrol, Eume e Ortegal.