Neda adhírese á declaración da Fegamp polo Día das Letras Galegas

O Concello de Neda fai súa a declaración da Federación Galega de Municipios e Provincias (Fegamp) co gallo do Día das Letras Galegas. Un texto que sinala a “clara influencia local” na lírica popular das “Cantareiras” e reivindica o papel das seis homenaxeadas -Adolfina e Rosa Casás, de Cerceda; Asunción e Prudencia Garrido, e Manuela Lema, de Mens, e Eva Castiñeira, de Muxía- e de “todas cantas mulleres, moitas delas con nomes coñecidos e outras aínda anónima” xogaron na transmisión “de xoias poéticas extraordinarias e dun galego enxebre e saboroso”.

A declaración, á que se adhire o Concello, reincide no compromiso da administración local na promoción da cultura e da lingua galegas e, co obxectivo de aumentar o número de galego falantes, aposta por potenciar o seu uso nas canles derivadas das novas tecnoloxías.

Enlace Declaración institucional Día das Letras Galegas (Fegamp)