Galicia Ártabra Digital Noticias de Ferrol y la comarca de Ferrolterra.
A concelleira de Bibliotecas de Narón, Olga Ameneiro, anunciou a apertura, este martes ás 16:00 horas, do prazo de inscrición na actividade “Unha noite no muíño…”, unha proposta enmarcada na celebración do Día das Letras Galegas.
A convocatoria desenvolverase este sábado, día 10, ás 11:00 horas e estará protagonizada por Caxoto Contacontos, que trae á cidade un espectáculo para menores a partir de 4 anos e as súas familias.
Os participantes viaxarán no tempo para coñecer a vida das cantareiras e, concretamente, das homenaxeadas este ano con motivo do Día das Letras Galegas: Adolfina e Rosa Casás Rama, de Cerceda; Eva Castiñeira, de Muxía e Prudencia e Asunción Garrido Ameijende e Manuela Lema Villar, as pandereiteiras de Mens, de Malpica de Bergantiños, ás que a RAG adica este ano o 17 de maio.
As persoas que acudan á convocatoria poderán descubrir de primeira man a orixe do baile e canto tradicionais galegos. As inscricións poden tramitarse de xeito presencial na Biblioteca ou chamando ao número de teléfono 981 382 173 no horario de apertura das instalacións.
