Ariel Soto Meizoso, ouro galego de dúatlon cadete para o Triatlón Ferrol

A promesa da Escola Javi Gómez Noya marcou as diferenzas no ciclismo.

Ariel Soto Meizoso subiu ao máis alto do podio en representación do Club Triatlón Ferrol ao gañar o campionato galego de dúatlon superesprinte cadete celebrado o sábado 5 en Muros.

O canteirán da Escola Javi Gómez Noya soltou os seus posibles rivais no segmento ciclista, no que sacou unha vantaxe de máis de 15 segundos. A participación ferrolá completárona na categoría cadete Lara Fernández sendo 7ª e Adrián Canosa, 8º. En categoría xuvenil, Ariadna Soto Meizoso finalizou en 18º lugar.