Moeche instala unha decoración de Nadal comunitaria

O Concello de Moeche e máis de 20 negocios de diferentes puntos do municipio uníronse para ofrecer unha decoración de Nadal igual nos espazos onde se sitúan. 

 

 

Acordouse unha decoración  sinxela e igual para colocar nas portas dos negocios adheridos a esta iniciativa. Deste xeito, aparece unha pequena árbore natural  adornada e, á noitiña, iluminada en todos estes negocios e nas proximidades da Casa do Concello, co fin de ofrecer unha acolledora imaxe de Nadal.

 

O Concello, ademais desta nova decoración común,  acendeu a iluminación das árbores fronte ao Concello e instalou, nos xardíns da casa consistorial as figuras e casas de madeira que veciños voluntarias axudaron a construír estes anos.                       

 

Locais adheridos: Xambas, Ubaldo-A Tendiña, Talleres Amor, Galrecambios, Super O Cruce, A Terraza, Oficina Técnica Ámbita, Talleres Muiño, Big Mat Sueiras, Agromera, Podoloxía C. Bernabeu, Aloxamento turístico  A Casa da Concha, Lavandería La Colada, Farmacia Moeche, A Neta de Eva, A Tenda de Iria, Peluquería Elsa, Oficina Banco Santander Casa Pena, Mesón O Campo, Peluquería Juan e AgroGizma.  O Concello agradece a todos os que se sumaron a esta sinxela iniciativa e moi especialmente a quen axudou na xestión.