Galicia Ártabra Digital Noticias de Ferrol y la comarca de Ferrolterra.
A Biblioteca municipal de Narón acolle o vindeiro día 11 a presentación de Terpeno, de Emilio Tresgallo. A concelleira de Bibliotecas, Olga Ameneiro, informou que o acto, aberto á asistencia do público en xeral, dará comezo ás 18:30 horas na sala multiusos da planta soto.
Trala finalización da convocatoria as persoas que o desexen poderán adquirir exemplares desta publicación. Aínda que nado na localidade cántabra de Cuchía, Emilio Tresgallo reside dende hai anos en Narón. Doutor en Pedagoxía e colaborador da Universidade Internacional de Valencia, orientou a súa carreira profesional á investigación sobre o acoso escolar.
Terpeno é a súa primeira obra de ficción, unha novela ambientada na súa localidade natal e que el mesmo define como “un canto á amizade verdadeira e inquebrantable, á familia que sempre está presente para coidar, mimar, exixir e, sobre todo, abrir horizontes e dar resposta á “fame natural” dos nenos; unha fame que lles permite descubrir o mundo e crecer emocionalmente de forma sana, natural e equilibrada”. A novela está orientada a público xeral e adulto.
O autor conta coa súa propia canle en YouTube, podendo acceder á mesma a través do enlace: https://www.youtube.com/@emiliotresgallo9342.
