Iniciadas en Pontedeume as obras da envolvente térmica da piscina municipal

No 2025, está prevista outra partida de 300.000 euros para a primeira fase da reforma integral das instalacións.

O Concello de Pontedeume informa do comezo das obras para impermeabilizar a cuberta e mellorar a envolvente térmica da piscina municipal.

“Unha actuación necesaria e que suporá un investimento de 60.000 euros”, explica Daniel Ríos, concelleiro de Urbanismo. O concello ten previsto tamén realizar no 2025 a primeira fase da reforma integral da piscina, cun orzamento que ronda os 300.000 euros.

Á marxe destas actuacións de maior envergadura, “nas próximas semanas chegarán novas máquinas para o ximnasio, cun importe próximo aos 20.000 euros”, explica o concelleiro de Deportes, Joshua Dopico.