Ferrol devolve á familia Deaño o material cedido para a exposición de Benito Vicetto

O concelleiro de Cultura, José Antonio Ponte Far, entregou este xoves 7 a Antonio Deaño Gamallo toda a documentación que cedeu sobre os arquivos e outros documentos de Benito Vicetto.

Ponte Far agradeceu a Deaño Gamallo a súa xenerosidade por esta cesión temporal que permitiu, xunto con outros fondos, facer unha exposición homenaxe a Vicetto, baixo o título «Benito Vicetto e a prensa ferrolá» coa que a cidade rendeu homenaxe a uno dos referentes da nosa cultura.

Vicetto é considerado un dos precursores do Rexurdimento galego, desempeñando un papel crucial na cultura galega durante o século XIX e principios do XX.

Temporalmente a familia Deaño cede agora este arquivo ao xornalista Man Castro, que se encargará da elaboración dun libro sobre a vida e obra de Vicetto.