Galicia Ártabra Digital Noticias de Ferrol y la comarca de Ferrolterra.
O Concello das Pontes valora moi positivamente a concesión da autorización ambiental integrada ao proxecto da planta de hidróxeno verde de Reganosa e EDP Renovavéis, coñecido como H2Pole.
O alcalde das Pontes subliña que esta concesión “supón un aval ambiental para un proxecto que vai xenerar a enerxía do futuro, como é o hidróxeno, e ,ao mesmo tempo, vai supoñer o protagonismo das Pontes no ámbito do almacenamento enerxético sen emisións de CO2 “
Un proxecto que, en palabras de Valentín González Formoso, “permitirá poñer en valor o talento dos rapaces e rapazas formados, tanto nas universidases como no centros de formación profesinal, e que esperamos que se convirta nunha fonte tractora doutros proxectos que potencien este tipo de enerxías”.
González Formoso destaca tamén a necesidade de facilitar a implantación dos parques eólicos que subministran enerxía a este proxecto, xa que “se trata dun factor fundamental para poder hidrolizar e producir enerxía. Sen parques eólicos é inviable, polo que esperamos que a tramitación sexa o máis curta posible”
Nese sentido, o rexedor local tamén apunta que “esperamos que o bombeo reversible no lago, outra fonte enerxética que suminsitra electricidade para a planta de hidróxeno, obteña os permisos correspondentes o máis pronto posible”.
Finalmente, desde o Concello das Pontes amosan o seu agradecemento á Consellería de Medio Ambiente polo seu traballo que conluiu na consesión da autorización ambiental integrada pa H2Pole.
