Galicia Ártabra Digital Noticias de Ferrol y la comarca de Ferrolterra.
Unha trintena de artistas chegados de diferentes puntos de dentro e fóra de Galicia participaron este domingo no Certame de Pintura Rápida “Vila de Cedeira”, que nesta décima edición incrementou o número e a contía dos premios.
O coruñés Francisco Victoria Cánovas, artista que ten participado tamén con éxito en anteriores edicións, mereceu desta volta o primeiro premio, dotado con 900€ e diploma.
Juan Carlos Triñanes Buceta, de Rianxo, e Marta Bravo López, de Gijón, levaron o segundo e terceiro premio, dotados con 700 e 500€ respectivamente.
Por primeira vez o xurado elixiu tamén catro accésits, dotados cada un deles con 100€, que foron para Frandisco Javier González Palacios, Benigno Rodríguez Sánchez, Laureano Fernández Vidal y Andrés Gabarres Cagiao.
O xurado estivo formado polo concelleiro de Cultura, Xosé Antón Arribe Rodríguez, e polos artistas Sarah Louise Jeffery e Andrés Urrutia Beato, que destacaron o alto nivel e o interese das obras presentadas ao certame.
