O cantautor galego Xabier Vizcaino, coñecido polas súas emblemáticas composicións como «Sete Chorares» ou “Camiños», e o que foi xurado do certame “O Talentiño”do Concello de Ferrol, sorprende unha vez máis co lanzamento do seu novo sinxelo «Tóxico«. Este tema serve como adianto do que será o seu próximo traballo discográfico.
«Tóxico» mantén a esencia melódica que caracteriza ao compositor do Incio, pero introduce unha temática novidosa: o amor tóxico. Vizcaino aborda nesta canción unha realidade presente na vida cotiá pero que, ata agora, non explorara nas súas letras. En declaracións a Galicia Ártabra comenta: «Sempre escribín sobre o amor, pero nunca tratara esta faceta, ao amor Tóxico. Unha historia de amor no mundo tóxico que estamos creando», explica o artista.
O lanzamento do sinxelo “Tóxico» Vizcaino marca o inicio e adianto do que será o seu próximo traballo. O Videoclip está xa dispoñible dende este xoves, día 13, en youtube e este venres estrearase nas principais plataformas dixitais