Galicia Ártabra Digital Noticias de Ferrol y la comarca de Ferrolterra.
Os triais disputaronse en augas de Esmelle da man da Federación Galega de Surf. Os dous surfistas galegos acadaron o pase directo a competición principal.
Cristina Collazo e Iago Formosel son os dous surfistas galegos que desde o venres 14 tomen parte o Gadis Longboard Festival de Ferrol, a primeira das tres probas da WSL en Galicia este verán.
Ambos amosaron a súa ledicia tras acadar os ansiados wildcard, o convite directo da Liga Mundial de Surf Profesional, ao ser os mellores nas respectivas mangas e categorías das rondas desputadas este xoves en augas da praia de Esmelle, con mar prato e moi pouca onda.
O coruñés Iago Formosel Núñez acadou a mellor puntuación cun 7,77 por diante de Michi Gómez (2), Daniel Alvite (3) e Patrick Vilán. Na categoría feminina, destacou Cristina Collazo, cun 8.57, por diante de Maria Lafuente (2) e Lola Bermúdez.
A entrega dos wildcard adiantose por mor do mal tempo e a competición reanudase o venres 14 na proba principal a partires das 9:00 horas. Será o comezo da proba central: LQS 1,000 da WSL con 61 deportistas: 32 homes e 29 mulleres, chegados de Europa, Suramérica e mesmo das antípodas, cunha representante de Nova Zelanda.
O campionato vaise desenvolver durante toda a fin de semana co epicentro no cámping das Cabazas, en Covas onde xa está instalada unha pequena vila do surf e toda unha festa a pé de praia.
Se adxunta o programa completo para la xornada do venres con zona gastro, barra, pista de patinaxe-skate e música en directo.
