Xoves 13 de xuño de 2024
Actividade: Conferencia sobre a Pena Molexa Hora: 19:00 Lugar: Local social do Val
O historiador honorífico do Concello de Narón André Pena Graña impartirá esta tarde unha conferencia sobre a Pena Molexa. A convocatoria está aberta á participación da cidadanía en xeral.
Venres 14 de xuño de 2024
Actividade: Torneo de fútbol base Cidade de Narón Hora: A partir das 16:30 Lugar: Campo de fútbol do Cadaval
Unha ducia de equipos da comarca e doutras localidades galegas xogarán cada unha das tres xornadas deste torneo, organizado polo polo Club Deportivo Narón e o Concello.
Sábado 15 de xuño de 2024
Actividade: “XXX Torneo de Balonmán Cidade de Narón” Hora: A partir das 10:00 Lugar: Pavillón polideportivo da Gándara
Os clubs Balonmán Narón, Tirso de Molina, OAR A Coruña e Barlonmán Culleredo-Opemat participarán neste torneo. O Concello colabora co clublocal na organización da convocatoria.
Actividade: Torneo de fútbol base Cidade de Narón Hora: Dende as 10:00 ata as 19:00 Lugar: Campo de fútbol do Cadaval
Actividade: “As Lendas de San Xoán” Hora: 11:00 Lugar: Biblioteca municipal
Os nenos a partir de 4 anos son os destinatarios deste obradoiro, no que coñecerán o nome das sete herbas máxicas de San Xoán e as súas propiedades, así como as lendas asociadas a esta data. A actividade require inscrición previa.
Actividade: Recreación das Lendas da Pena Molexa Hora: Dende as 18:00 Lugar: Inmediacións da Pena Molexa (O Val).
Ás 18:00 horas comezarán os xoogs tradicionais e ás 19:00 horas comezará a actuación de Pablo Díaz. A partir das 20:00 horas comezarán a servirse as racións de churrasco e os bocatas molexos. A música continuará ás 22:00 horas con Os d´Abaixo e ás 00.00 alumnado da Escola de Teatro de Narón representará a Lenda da Fada da Pena Molexa. Pechará a programación a actuación do grupo de Gaitas do Padroado da Cultura de Narón.
Domingo 16 de xuño de 2024
Actividade: Andaina do programa municipal “Ponte en ruta con nós” Hora: Saída ás 9:30 horas do magnolio do paseo marítimo de Xuvia Lugar: Xuvia
As persoas que acudirán a esta andaina, unhas 80, realizarán un percorrido pola Ruta dos Muíños e o mirador de Ancos. En total, uns 13,5 quilómetros que se prevén realizar en tres horas e media. Ao rematar, os participantes poderán degustar callos que se servirán no paseo de Xuvia para celebrar o remate desta tempada do programa municipal “Ponte en ruta con nós”.
Actividade: III Trofeo de fin de escolas de tiro con arco Hora: Dende as 9:30 Lugar: Campo de fútbol de San Mateo
![](https://galiciaartabra.es/wp-content/uploads/2024/06/Club-Arco-Narón-3-300x205.jpg)
Algo máis de medio cento de arqueiros, de entre 3 e 60 anos procedentes de nove clubs galegos participarán nesta convocatoria, organizada polo Club Arco Narón en colaboración co Concello.
Actividade: Semifinais da Copa Deputación de fútbol Hora: Dende as 10:00 e pola tarde dende as 16:30 Lugar: Estadio de Río Seco
Os partidos das semifinais xogaranos o Victoria CF e o Xallas CF na final feminina pola mañá e pola tarde o gañador desa primeira convocatoria coñecerá ao rival, que sairá do partido entre o Boiro e O Val. No cadro masculino xogarán o San Tirso e o Sigüeiro ás 12:30 a primeira semifinal e pola tarde ás 19:00 o Dumbría e O Val
Actividade: Torneo de fútbol base Cidade de Narón Hora: De 10:00 a 19:00 Lugar: Campo de fútbol do Cadaval