![](https://galiciaartabra.es/wp-content/uploads/2024/06/Gañadores-1-demo-pequno-2024.jpg)
O xurado fallou os premios do concurso o pasado 9 de maio, e estuvo formado polos debuxantes Inés Vázquez e Víctor Boullón, xunto co autor de bd e editor de Demo Editorial, Manel Cráneo, e a coordinadora do Museo do Humor Xaquín Marín, Almudena Marcos.
No acto deste venres 7 de junio entregáronse os premios aos gañadores/as: Diego Noguerol Feijoo (1º premio categoría Infantil), Maia Tato Rodríguez (2º premio categoría Infantil), Ainara Soto Reino (1º premio categoría Xuvenil), e Ana Manso López e Gael Rivas Núñez , do CPR Santa Juana de Lestonnac, Ferrol (2º premio categoría Xuvenil). Tamén un diploma e un pequeño agasallo para os finalistas da categoría Xuvenil: Jimena Rivas Garel, do IES Concepción Arenal, Ferrol, e Noa Fachal Bermúdez, do CPI San Sadurniño.
O alcalde de Fene, Juventino Trigo, o concelleiro de Cultura de Fene, Justo Ardá, o editor de Demo Editorial, Manel Cráneo, a responsable do Museo do Humor Xaquin Marín, Almudena Marcos e a debuxante e membro do xurado Inés Vázquez acompañaron aos gañadores e a todos os participantes da mostra.
-Na categoría infantil (de 8 a 11 anos)
![](https://galiciaartabra.es/wp-content/uploads/2024/06/Diego-Noguerol-Feijoo-1-premio-Infantil.jpg)
1º Premio, dotado con 100 € en metálico, un lote de libros de banda deseñada de Demo Editorial, material de debuxo por valor de 75€ e diploma, á obra presentada co título Xeriátrico de Robots. Aberta a plica, o seu autor é Diego Noguerol Feijoo. O xurado valorou a calidade técnica do debuxo, a limpeza no tratamento da cor, unha boa composición e un guión que acompaña coa calidade do debuxo. Ademais salientou que a historia se entende con total claridade.
![](https://galiciaartabra.es/wp-content/uploads/2024/06/Maia-Tato-Rodriguez-2-premio-Infantil-fene.jpg)
2º Premio, dotado cun lote de libros de banda deseñada de Demo Editorial, material de debuxo por valor de 50€ e diploma, á obra presentada co título Desde o seu punto de vista. Aberta a plica, a súa autora é Maia Tato Rodríguez. O xurado valorou que o guión da historia é moi divertido e que se entende moi ben, convidando a serguir lendo. Ademais, condensa moita información en pouco espacio, sen deixar de ser unha historia de síntese. E que o deseño do personaxe central é moi orixinal e mola moito.
-Na categoría Xuvenil (de 12 a 16 anos)
![](https://galiciaartabra.es/wp-content/uploads/2024/06/Ainara-Soto-Reino-1-premio-Xuvenil.jpg)
1º Premio, dotado con 100 € en metálico, un lote de libros de banda deseñada de Demo Editorial, material de debuxo por valor de 100€ e diploma, á obra presentada co título Imaxinando o futuro. Aberta a plica, a súa autora é Ainara Soto Reino. O xurado valorou a combinación perfecta entre guión e debuxo, unha técnica de cor espectacular en relación á categoría que compite e o uso moi correcto da narrativa gráfica.
![](https://galiciaartabra.es/wp-content/uploads/2024/06/Ana-Manso-López-e-Gael-Rivas-Nuñez-2-premio-Xuvenil.jpg)
2º Premio, dotado cun lote de libros de banda deseñada de Demo Editorial, material de debuxo por valor de 75 € e diploma, á obra presentada sen título. Aberta a plica os seus autores son Ana Manso López e Gael Rivas Núñez (CPR Santa Juana de Lestonnac). O xurado valorou a minuciosidade do debuxo e a calidade do entintado. Tamén salientou a narrativa, clara e directa, e o carácter optimista da historia, resolta con humor branco.
![](https://galiciaartabra.es/wp-content/uploads/2024/06/Jimena-Rivas-Finalista-Xuventil.jpg)
-Asemade, o xurado acordou nomear finalistas na categoría Xuvenil, con diploma e agasallo pero sen dotación económica, aos traballos presentados por Jimena Rivas Garel (IES Concepción Arenal, Ferrol), co título O paraxo robot, e Noa Fachal Bermúdez (CPI San Sadurniño), co título Carmen e as novas tecnoloxías.
![](https://galiciaartabra.es/wp-content/uploads/2024/06/Noa-Fachal-Bermudez-Finalista-Xuvenil.jpg)
A exposición do II Concurso de BD de Humor Demo Pequeno permanecerá aberta ao público nas instalacións do Museo do Humor Xaquín Marín (Avda. de Conces, 20-22, Fene) ata o mércores 31 de xullo. O horario de visitas até o próximo 21 de xuño será: de luns a venres, de 10 a 13 e de 16 a 21 horas, e os sábados, de 10 a 13 horas. A partir desa data, por mor do cambio ao horario estival, a instalación abrirá ao público de luns a venres, de 10.00 a 14.15 horas.
Ademais, segundo anunciaron as entidades organizadoras, á par que abre ao público a exposición física, tamén se poderán ver todas as obras presentadas ao certame nunha galería virtual dispoñible na web do centro fenés (museodohumor.fene.gal).