![](https://galiciaartabra.es/wp-content/uploads/2024/05/Piscina-municipal-Pontedeume.jpg)
O Concello de Pontedeume aprobou este jueves en pleno un modificativo de crédito de 1,5 millóns de euros con cargo ao remanente municipal para mellorar os servizos e infraestruturas públicas municipais. “Obras e investimentos no casco urbano e en todas as parroquias, dando resposta ás demandas veciñais e con actuacións moi necesarias como a primeira fase da reforma da piscina municipal”, explicou no pleno o concelleiro de Urbanismo, Daniel Ríos.
Ademais da reforma da piscina, ampliarase a rede de saneamento en Vizús e o concello renovará os servizos de abastecemento, saneamento e pluviais na avenida de Ferrol. Realizará dous novos aparcadoiros en Santa María de Ombre e a rúa do Empedrado, reparará as cubertas do concello e o centro de maiores, e instalará un parque de calistenia.
Tamén impermebealizará a cuberta do cemiterio municipal de Breamo, fará melloras nas instalacións deportivas e renovará o alumeado público na rúa Eduardo Pondal, Boavista e Los Rosales. Ademais, pavimentará varios camiños en Breamo, Cabría e A Regueira.
Co modificativo de crédito, o concello adquirará por outra parte máis solares para novos aparcadoiros e destinará outra partida a subministros, para novas máquinas deportivas na pisicina e o pavillón, bombas para a depuradora de Ombre, unha escultura de homenaxe ás mulleres do mar e mobiliario urbano.
Por último, haberá outras partidas para a redacción e planificación de novos proxectos de obra, destinados a diferentes actuacions para a mellora dos servizos en Pontedeume.