O BNG de Narón denuncia o abandono da cartelería informativa das rutas de sendeirismo e etnográficas.

O BNG de Narón solicita ao goberno municipal o arranxo da cartelería informativa que se atopa na Senda Ártabra ao seu paso polo concello, todos os paneis están deteriorados e moitos deles xa no chan.

Ademais disto os postes indicadores do percorrido da ruta da Senda Ártabra están rotos na súa maioría e os que non tampouco se ven por estaren tapados pola maleza que os rodea.

Isto acontece tamén con moitos postes indicadores do Camiño a Santo André ao paso por Narón, están rotos, caídos ao chan, ou non se ven por mór da maleza que os rodea.

Estas rutas etnográficas que forman parte do noso patrimonio sofren un gran abandono por parte do concello desde xa hai moito tempo, polo que pedimos unha solución inmediata e un mantemento posterior.