O Concello de Narón acolle ata o 3 de maio unha exposición sobre saúde mental

A pranta baixa do Concello acolle dende este xoves 18 e ata o vindeiro 3 de maio a exposición “O Concello de Narón coa saúde mental”.

O edil de Sanidade, Manuel Ramos, e a concelleira de Benestar Social, María Lorenzo, visitaron o citado xoves a mostra, composta por sete displays e un photocall, e animaron á cidadanía a achegarse á mesma “para recibir información sobre un tema de vital importancia e que precisa da implicación e do respaldo das administracións e do conxunto da sociedade”.

Nos displays repásanse as cifras nesta materia a nivel nacional, destacando datos como que “unha de cada catro persoas terán un trastorno mental ao longo da súa vida” ou que “o 12,5% de todos os problemas de saúde está representado polos trastornos mentais, unha cifra superior á do cancro e dos problemas cardiovasculares”.

Tamén nestes paneis se comparten unha serie de frases que escoitamos habitualmente sobre estereotipos vencellados á saúde mental e que invitan á reflexión, ofrecendo alternativas para expresarnos correctamente.

Na exposición infórmase sobre como descargar a guía de recursos para a saúde mental editada o pasado ano polo Concello de Narón, con información e recursos de actuación ante problemas de saúde mental.

Lea también

Axenda en Narón do 22 ao 26 de maio de 2024

Mércores 22 de maio de 2024 Actividade: “As Sementes da felicidade” Hora: 17:00 Lugar: Centro …