Narón celebra a III Feira de antigüidades, coleccionismo e vintage

O Concello de Narón e a Asociación Ferro Vello organizan a terceira edición da “Feira de antigüidades, coleccionismo e vintage” que se celebrará esta fin de semana, o sábado e o domingo, no pavillón da Mocidade, na Gándara.

A concelleira responsable da área de Feiras e Mercados, Mar Gómez, recordou que participarán na convocatoria unha trintena de postos, que exporán e venderán a súa mercancía en horario de mañá e tarde, de 10:00 a 14:00 e de 16:00 a 21:00. A entrada é de balde.

Moedas antigas, mobles, libros, discos, apeiros de labranza, artículos de decoración… forman parte dos obxectos que se poderán adquirir nos diferentes postos. Anticuarios e afecionados procedentes de diferentes concellos galegos e tamén doutras comunidades como Asturias, Castela León, País Vasco e Portugal participarán na convocatoria.

Gómez animou á veciñanza a asistir a este evento, que nas súas dúas anteriores edicións tivo unha excelente acollida. “Foron moitas as persoas que se achegaron a ver e mercar os produtos que alí se vendían e tamén nos consta que os responsables dos postos de venda estiveron satisfeitos coa acollida que tiveron, polo que confiamos en que novamente sexa todo un éxito”, asegurou.

Lea también

Vuelca un coche que se dirigía a Ferrol, en la AP-9, en Narón. La copiloto fue trasladada al «Marcide»

Sobre las nueve y media de la noche de este martes, día 23, se registró …