Posta en marcha da sexta ruta SendAres

A área de Deportes do Concello de Ares vén de anunciar a posta en marcha do proceso administrativo da próxima ruta do SendAres, o programa de sendeirismo do Concello.

O martes 30 de xaneiro, abrirase a inscrición telemática do sexto percorrido ao longo da tarde (18:00 horas) e a través da páxina web institucional www.concellodeares.gal

Nesta ruta guiada, os sendeiristas achegaranse a un dos mellores bosques conservados da provincia da Coruña: a Ribeira do Río Sor, en Mañón. E mesmo haberá tempo para visitar a fervenza de Augas Caídas, un espectacular salto de auga de preto de 90 metros; un percorrido que aúna deporte e natureza para gozar da paisaxe galega.

Todo o itinerario desenvolverase durante a xornada do domingo 18 de febreiro, cunha distancia de 14 quilómetros e unha dificultade media-baixa. O prezo ascende a 20 euros e inclúe servizo de guía, seguros e transporte de ida e volta dende Ares. O autobús sairá ás 08:00 horas e chegará ao núcleo da vila ás 17:00 h., aproximadamente, dende o punto de encontro habitual: a praza da Igrexa do municipio.

A Concellaría de Deportes asignou 25 prazas para a actividade, que se cubrirán por orde de inscrición ata as 00:00 horas do 5 de febreiro ou, de darse o caso, ata o seu esgotamento.

Lea también

En un encuentro muy discutido el Racing empata con el Leganés (2-2)

Carlox Román. Ya solo falta un encuentro para terminar la Liga y resaltar que la …